Abbott nderon viktimat e Krushës së Madhe
Ambasadori britanik në Prishtinë Nicholas Abbott ka nderuar viktimat e Krushës së Madhe, të vrara nga serbët gjatë luftës në Kosovë.
Ai në një status në Facebook ka shkruar se nuk duhet të harrohet asnjëherë humbja dhe sakrifica e kaq shumë njerëzve.
“Sot njerëzit në Britani të Madhe ndaluan për të kujtuar të gjithë ata që kanë vdekur në konflikt. Në këtë ditë përkujtimi kam bërë nderimet e mia në Memorialin në Krushë të Madhe. Nuk duhet harruar humbjen dhe sakrificën e kaq shumë njerëzve. #Të mos Harrojmë #armëpushimin”, shkruan Abbott.
Masakra në Krushë të Madhe është një nga masakrat masive që u bënë prej paramilitarëve, policisë dhe ushtrisë serbe anekënd Kosovës, duke vrarë 241 persona dhe djegur 850 shtëpi në këtë fshat.
Rruga Press