FSK certifikon gjeneratën e re të Liderëve Luftarakë, të përgatitur për sfidat e së ardhmes

Pjesëmarrësit e Kursit për Lider Luftarak “Gjenerata 26-2026” janë certifikuar në Komandën e Doktrinës dhe Stërvitjes, pas përfundimit të programit të trajnimit të fokusuar në zhvillimin e aftësive udhëheqëse.

Kursi ka synuar përgatitjen e kuadrove në nivel ekipi dhe skuadre për përballimin e situatave komplekse operacionale dhe taktike, me theks të veçantë në lidership, vendimmarrje dhe menaxhim.

Gjatë trajnimit, pjesëmarrësit kanë kaluar nëpër një proces intensiv, ku kanë zhvilluar njohuri teorike dhe aftësi praktike të nevojshme për ushtrimin e përgjegjësive udhëheqëse në nivele të ndryshme.

Certifikimi i tyre shënon përfundimin e një tjetër etape në zhvillimin profesional të pjesëmarrësve, të cilët tashmë janë të përgatitur për të marrë përgjegjësi më të mëdha në kuadër të misionit të tyre.

Komanda e Doktrinës dhe Stërvitjes vijon të ketë në fokus zhvillimin e kapaciteteve profesionale dhe përgatitjen e liderëve për sfidat e ardhshme.

Rruga Press