A po ndërhyjnë disa ambasadorë në Gjykatën Kushtetuese të Kosovës? Ambasadori francez nuk e komenton pyetjen e gazetarit

March 11, 2026 use3

Ambasadori i Francës në Kosovë, Oliver Guerot ka thënë se nuk ka koment rreth deklaratave të deputetit të Vetëvendosjes, Adnan Rrustemi, i cili në një shkrim tha: “I lus disa ambasadorë që të mos e shkatërrojnë Gjykatën Kushtetuese me vizita, takime e ndërhyrje, sepse dëmet për vendin tonë do të jenë të pariparueshme.”

Lexo më shumë Ministri Konjufca takon ambasadorin irlandez, Ragnar Almqvist: Presidenca e Irlandës në BE do të mbështesë agjendën evropiane të Kosovës

“Nuk kam asnjë koment. Faleminderit. Dhe të mos kesh një koment, është një koment”, tha ambasadori francez.

Ndërkaq i pyetur rreth takimit me kryeministrin Albin Kurti të premten pasi Vjosa Osmani shpalli dekretin për shpërndarjen e Kuvendit, tha se do ta mbajë për vete atë që është diskutuar në takim.

“Do ta mbaj atë për ne për momentin”, tha shkurt Guerot pas një ngjarje që pati me Komunën e Prishtinës.

Lexo më shumë Kryeministri Kurti priti në takim përfaqësues të BERZh-it

Rruga Press