Kurti pret në kryeministri heroin nga Kosova që shpëtoj nga flakët banorët e një ndërtese në Itali

Albion Berisha, shtetasi i Republikës së Kosovës që u shqua për aktin e tij heroik në Treviso të Italisë, është pritur në takim nga kryeministri në detyrë i Kosovës, Albin Kurti/

Berisha u përfol gjerësisht në mediat italiane pasi shpëtoi gjyshen e një familjeje duke e nxjerrë në krahë nga një banesë në flakë në ndërtesën “Tower House” në rrugën Pisa.

Ai kishte njoftuar menjëherë shërbimet e emergjencës dhe më pas ishte ngjitur vetë për ta nxjerrë të moshuarën në vend të sigurt, duke parandaluar pasojë tragjike. Nga zjarri u evakuuan rreth 100 persona.

Në shenjë mirënjohje për këtë akt të Albinit, ai është pritur nga kryeministri në detyrë i Republikës së Kosovës, Albin Kurti në zyrën e tij.

“Faleminderit shumë për mikpritje kryeministër i Republikës së Kosovës Albin Kurti!”, ka shkruar Albioni në Facebook, duke bashkëngjitur edhe fotografinë nga takimi me Kurtin.

Rruga Press