PDK dhe LDK për muaj të tërë i mashtruan qytetarët me deklarata boshe: thoshin me gojën plot “Nuk jemi bashkë, jemi opozitë e ndarë”, por ja që realiteti doli ndryshe

Shkruan Frashër Oseku

PDK dhe LDK për muaj të tërë i mashtruan qytetarët me deklarata boshe: thoshin me gojën plot “Nuk jemi bashkë, jemi opozitë e ndarë.” Por ja që realiteti doli ndryshe — një natë më parë, këto dy “opozitare” s’ishin kaq të ndara: zyrtarizuan bashkëpunime në komunat kryesore të vendit — Mitrovicë, Gjilan, Prishtinë, Pejë, Gjakovë me AAK-në, Prizren, Fushë Kosovë… Kjo nuk është thjesht politikë — është tregim për manipulim të sistemuar, për politikë që nuk e bën për qytetarët, por për interesat personale të pakicës.

Në të njëjtën kohë, në Vushtrri, LDK u përça vetëm sepse një pjesë e saj pati guximin të bashkëpunojë me Lëvizjen Vetëvendosje. Çfarë tregon kjo? Se në fakt frika nga ndryshimi dhe humbja e privilegjeve është motivi kryesor që i mban këta “të vjetërit” të bashkuar.

Opozita jonë po e tregon çdo ditë se i mungon moral i vërtetë dhe vizion për të ardhmen. Flasin për ndryshim, por njërën këmbë e kanë fort në karrige — thonë se luftojnë korrupsionin, por bëjnë koalicione me ata që dikur u quanin “hajna”. Kur puna shkon për interes, memorja ndryshon, parimet harrohen dhe loja vazhdon: “ti vendos”, “unë përfiton”.

Por kujtoni mirë: populli nuk është më ai i viteve që lamë pas. Qytetarët kanë kuptuar lojën e vjetër të pazareve politike. Fati i Kosovës nuk vendoset në sallone të fshehta — vendoset me votë, me zë, me presion qytetar.

Në fund të ditës, nuk janë marrëveshjet në prapaskenë që do të vendosin për fatin tonë — por vota jonë. Dhe këtë herë, populli do të flasë — qartë, fuqishëm dhe pa kompromis — kundër hipokrizisë së opozitës dhe pazareve të flliqta që e kanë kapur politikën.

Interesante si tani – po bashkohen të gjithë për të folur kundër një Luanit. Gjithë hijenat bashkë… por ky Luan e ka zë vendin e vet!

Rruga Press