Qeveria në Kosovë rrit shtesat e grave lehona nga 170 euro në 325.9 në muaj

Kryeministri i Kosovës, Albin Kurti ka njoftuar se nga ky muaj do të rriten shtesat mujore për nënat lehona. Kurti ka thënë se shtesa prej 170 euro për lehonat e papunësuara, do të bëhet 325.9 euro.

Këtë vendim Kurti e bëri në mbledhjen e sotme të Qeverisë.

“Qysh në fillim të mandat filluam skemën e shtesave për nënat e reja. Deri më tani rreth 70 mijë nëna lehona kanë përfituar. Me pagën minimale të re është koha që nga kjo të përfitojnë edhe nënat e reja. Do të miratojmë rritjen mujore të shtesave nga 170 euro në 325.9 euro, aq sa vlera neto e pagës minimale. Që nga ky muaj për të gjitha nënat lehona shtesa mujore do të rritet në 325.9 euro”, tha Kurti.

Ndërkaq lehonat e punësuara, përveç pagesës për 70 për qind për 6 muaj nga punëdhënësi do të përfitojnë mbështetje për tre muajt e tjerë për 319.5 euro në muaj.

Rruga Press