Alimehmeti: Krimi elektoral në vend nuk hetohet! Demokracia në rrezik

Ilir Alimehmeti, një nga kandidatët më të votuar të Partisë Demokratike në Tiranë, tha se sheh me shqetësim mungesën e hetimit të krimit elektoral në Shqipëri.

I ftuar në studion e News 24, Alimehmeti theksoi se demokracia në vend është në rrezik nëse nuk garantohen zgjedhje të lira dhe të ndershme.

Sipas tij, Partia Demokratike ka pasur programin më të mirë në vend, por kjo nuk ka mjaftuar për të sjellë ndryshimin për shkak të problemeve serioze në procesin zgjedhor.

Ai shtoi se janë dëbuar mbi një milion shqiptarë nga vendi në 12 vitet e fundit, duke e cilësuar këtë si një pasojë direkte e mungesës së një shteti funksional.

“PD ka pasur programin më të mirë në Shqipëri. Krimi elektoral në vend nuk hetohet. Pasi vdes pacienti, shfaqet mjeku. Drejtësia duhet të jetë efektive dhe në kohë të shpejtë. Janë dëbuar 1 milionë shqiptarë nga vendi në 12 vite. Kapet ajo hallka e fundit, ndonjë numërues a komisioner. Shqipëria 2025 nuk është ajo që dua unë. Kombi shqiptar po shuhet. Ne të gjithë luftuam për Partinë”– tha Alimehemeti.

Rruga Press