Nis seanca e shqyrtimit për spiunazh në shërbim të BIA-s serbi e në dëm të Kosovës ndaj Bedri Shabanit dhe Muharrem Qerimit

March 5, 2025 user 1

Në Gjykatën Themelore në Prishtinë, ka nisur seanca e shqyrtimit fillestar në çështjen penale ndaj të pandehurve Bedri Shabani dhe Muharrem Qerimi, të dyshuar për spiunazh për Agjencinë Serbe të Sigurisë dhe Informacionit (BIA).

Të pandehurit janë sjellur brenda seancës me pranga dhe nën masa të rrepta të sigurisë.

Lexo më shumë Shqipëria mes braktisjes dhe refugjatëve, Rama e sheh shpopullimin si 'fitore'

Prokuroria Speciale e Kosovës në shkurt të 2025-së ka ngritur aktakuzë ndaj Bedri Shabanit dhe Muharrem Qerimit për veprën penale – spiunazh.

Bedri Shabani e Muharrem Qerimi dyshohet se i kanë dhënë informacione Shërbimit Sekret Serb (BIA), mbi Ushtrinë Çlirimtare të Kosovës (UÇK), masakrat në Kosovë, Agjencinë Kosovare të Inteligjencës, Policinë e Kosovës e Inspektoratin Policor të Kosovës.

Ata akuzohen se këto informacione i transmetuan edhe përmes telefonave dhe e-mail-eve.

Lexo më shumë Ajeti jep një lajm të mirë: Kosova ndër ekonomitë me rritjen më të shpejtë në kontinent

Të dyshuarit ngarkohen me veprën penale – spiunazhi, ndërsa Muharrem Qerimi edhe me veprën penale – armëmbajtje pa leje.

Rruga Press