Nis seanca e shqyrtimit për spiunazh në shërbim të BIA-s serbi e në dëm të Kosovës ndaj Bedri Shabanit dhe Muharrem Qerimit

March 5, 2025 user 1

Në Gjykatën Themelore në Prishtinë, ka nisur seanca e shqyrtimit fillestar në çështjen penale ndaj të pandehurve Bedri Shabani dhe Muharrem Qerimi, të dyshuar për spiunazh për Agjencinë Serbe të Sigurisë dhe Informacionit (BIA).

Të pandehurit janë sjellur brenda seancës me pranga dhe nën masa të rrepta të sigurisë.

Lexo më shumë 20 mln euro për mirëmbajtjen/ “Tigrat” e Vlorës vijojnë të ‘gllabërojnë’ buxhetin, KESH hap procedurën e tenderit për TEC-et lundrues

Prokuroria Speciale e Kosovës në shkurt të 2025-së ka ngritur aktakuzë ndaj Bedri Shabanit dhe Muharrem Qerimit për veprën penale – spiunazh.

Bedri Shabani e Muharrem Qerimi dyshohet se i kanë dhënë informacione Shërbimit Sekret Serb (BIA), mbi Ushtrinë Çlirimtare të Kosovës (UÇK), masakrat në Kosovë, Agjencinë Kosovare të Inteligjencës, Policinë e Kosovës e Inspektoratin Policor të Kosovës.

Ata akuzohen se këto informacione i transmetuan edhe përmes telefonave dhe e-mail-eve.

Lexo më shumë Mijëra qytetarë do të dalin për të 53-tën ditë radhazi te Kryeministria: Rama jepe dorëheqjen

Të dyshuarit ngarkohen me veprën penale – spiunazhi, ndërsa Muharrem Qerimi edhe me veprën penale – armëmbajtje pa leje.

Rruga Press