KQZ: 21% e votuesve në diasporë votuan deri në orën 11:00

February 8, 2025 user 1

Deri në orën 11:00 kanë votuar 4.390 persona apo 21.60 për qind e qytetarëve të Kosovës që jetojnë në mërgatë, për zgjedhjet parlamentare.

Për të votuar në përfaqësitë diplomatike të Kosovës janë regjistruar 20.324 votues.

Më shumë votues janë paraqitur në Ambasadën e Kosovës në Bern të Zvicrës, ku 37.44 për qind e 967 votuesve të regjistruar në dy vendvotime në këtë ambasadë kanë votuar brenda këtyre katër orëve.

Lexo më shumë Sekretarja e Përgjithshme e organizatës më të madhe social-demokrate në botë, Internacionales Socialiste (SI), Chantal Kambiwa, me mesazh të fuqishëm në mbështetje të Albin Kurtit dhe Lëvizjes VETËVENDOSJE! për zgjedhjet e 9 shkurtit

Ndërkaq, dalja më e ulët deri në orën 11:00 është regjistruar në Ambasadën e Kosovës në Shkup, ku nga 55 votues të regjistruar kanë votuar vetëm 6 prej tyre apo 10.91 për qind.

Votimi nisi në orën 07:00 në ambasadat dhe konsullatat e Kosovës në shtetet e Evropës, ndërkaq në Shtetet e Bashkuara dhe Kanada do të nisë në orën 13:00, sipas kohës lokale në Kosovë.

Lexo më shumë VV: Vota e mërgatës është vendimtare

Këto janë zgjedhjet e para të rregullta që Kosova mban që nga shpallja e pavarësisë më 2008. Deri më tani, në vend janë mbajtur një sërë zgjedhjesh të parakohshme.

Rruga Press