Kurti: Spitalet tona, me teknologjinë mjekësore më të avancuar në rajon
Kryeministri Kurti ka folur për investimet në shëndetësi, konkretisht në klinikën onkologjike e Qendrës Klinike Universitare të Kosovës në sistemin e radioterapisë me laser C-RAD 3-D.
Kurti, përmes platformës ‘X’, ka bërë të ditur se klinika e onkologjisë në QKUK, është pajisur me një sistem të radioterapisë me laser C-RAD 3-D, “duke e bërë atë të vetmin institucion shëndetësor në rajon me teknologjinë më të fundit për këtë aparat”.
“Pacientët me kancer në Kosovë tani do të përfitojnë nga opsionet më efektive të trajtimit, duke minimizuar efektet anësore. Përmirësimi i kujdesit ndaj pacientëve nuk është vetëm një investim i zgjuar – është gjëja e duhur për t’u bërë për qytetarët e Kosovës”, ka shkruar Kurti.
Rruga Press