Ahmeti zhvilloi takime me senatorë dhe deputetë australianë

Zëvendësministri i Punëve të Jashtme dhe Diasporës, Kreshnik Ahmeti gjatë vizitës së tij në Australi, përveç takimeve në Ministrinë e Punëve të Jashtme të Australisë, zhvilloi takime të ndara me Kryetarin e Komisionit për Punë të Jashtme, Mbrojtje dhe Legjislacion të Tregtisë, senatorin Raff Ciccone, deputetët Jullian Hill dhe Keith Wolohan dhe senatoren Claire Chandler.

Gjatë takimit me senatorin Ciccone, u diskutua për mundësitë e bashkëpunimit parlamentar, më konkretisht mes dy komisioneve parlamentare për punë të jashtme të dy vendeve tona dhe zhvillimet e fundit në të dyja vendet.

Takimet me deputetët Hill dhe Wolohan, u zhvilluan në një atmosferë miqësore me ç’rast u diskutuan marrëdhëniet dypalëshe dhe bashkëpunimi i deputetëve me komunitetin shqiptar në Australi. 

“Në takim me senatoren Claire Chandler, e cila është edhe Zëvendësministre nën hije për Punë të Jashtme nga Partia Liberale, u diskutua mbi zhvillimet e fundit në të dyja vendet, marrëdhëniet dypalëshe dhe zhvillimet rajonale dhe botërore. Zëvendësministri Ahmeti, falenderoi deputetët dhe senatorët për mbështetjen e vazhdueshme për Kosovën”, njofton MPJD.

Rruga Press