Përfaqësuesi bullgar: Minishengeni është Jugosllavi e re. Plan bollshevik, i shërben shovinizmit serb
Bullgaria nuk dëshiron që Serbia të lidhet me vendet e rajonit, si Maqedonia dhe Shqipëria, nën marrëveshje të tilla si ajo e minishengenit. Nisma për të krijuar zona të hapura është krijim i një Jugosllavie të re, shprehen kështu nga pala bullgare.
Ideja e të ashtuquajturit “Mini Shengen” nga udhëheqësit e Maqedonisë, Serbisë dhe Shqipërisë do të jetë një dështim për BE-në, tha i dërguari bullgar i BE-së, nënkryetar i partisë parlamentare IMRO BND, Angel Xhambaski.
Ideja e formimit të një zone të tillë në Ballkan mund të shmanget përderisa BE-ja mbështet Bullgarinë në kërkesat e saj ndaj Maqedonisë, tha i dërguari evropian.
Kjo nismë ka një qëllim – formimin e një Jugosllavie të re. Ajo nuk duhet të lejohet dhe çdo politikan i mençur që do stabilitet në Evropë dhe Ballkan duhet ta dënojë këtë plan të bollshevikëve, shkroi në Facebook, Xhambaski.
Sipas tij, një projekt i tillë i shërben kryesisht “shovinizmit të madh serb, personifikimi i të cilit është Aleksandër Vuçiç”.
Rruga Press ©