G7-a nuk arrin marrëveshje përfundimtare për përdorimin e aseteve ruse për Ukrainën

Zyrtarët e financave nga Grupi i Shtatë vendeve të pasura demokratike (G7) kanë thënë se kishin lëvizur drejt marrëveshjes për një propozim të SHBA-së për të dërguar më shumë para në Ukrainë nga asetet ruse të ngrira në vendet e tyre.

Por ministrat lanë një marrëveshje përfundimtare për t’u përpunuar përpara një samiti të qershorit të liderëve kombëtarë.

“Ne po bëjmë përparim në diskutimet tona për rrugët e mundshme për të sjellë përpara fitimet e jashtëzakonshme që rrjedhin nga asetet e palëvizshme sovrane ruse në dobi të Ukrainës”, thuhet në draft deklaratë, pa dhënë detaje, raporton AP.

Pavarësisht progresit të bërë në takimin në Stresa të Iralisë, një vendim përfundimtar për mënyrën se si do të përdoren asetet do t’u mbetet liderëve kombëtarë të G7-s, duke përfshirë presidentin e SHBA-së Joe Biden, muajin e ardhshëm në mbledhjen e tyre vjetore në samitit në Fasano të Italisë jugore.

Ministri ukrainas i Financave, Serhiy Marchenko iu bashkua ministrave të financave dhe krerëve të bankave qendrore në seancën e tyre përmbyllëse të shtunën.

Kongresi i SHBA-së ka miratuar legjislacionin që lejon administratën Biden të konfiskojë afërsisht 5 miliardë dollarë në asetet ruse të vendosura në SHBA, por vendet evropiane kanë një zë të fuqishëm në këtë çështje pasi shumica e aseteve të bankës qendrore ruse prej 260 miliardë dollarësh të ngrira pas 24 shkurtit 2022, mbahen në juridiksionet e tyre.

Duke përmendur shqetësimet ligjore, zyrtarët evropianë kanë refuzuar konfiskimin e plotë të parave dhe dorëzimin e tyre në Ukrainë si kompensim për shkatërrimin e shkaktuar nga Rusia.

Rruga Press