Presidentja Osmani: NATO është fati i Kosovës, rrugëtimi ynë drejt anëtarësimit nuk pushon
Presidentja e Kosovës, Vjosa Osmani, me rastin e përvjetorit të 75-të të NATO-s, ka thënë se Aleanca Veriatlantike është fati i Kosovës.
Osmani thekson se rrugëtimi i Kosovës drejt anëtarësimit në aleancë nuk pushon dhe nuk lëkundet.
“NATO është një zotim për brezat e ardhshëm se ata do të trashëgojnë një botë më të sigurt. NATO është fati ynë. Është fati i Kosovës. Rrugëtimi ynë drejt anëtarësimit në Aleancë nuk pushon, nuk lëkundet. Ne vazhdojmë të ecim përpara së bashku. Gjithmonë”, shkroi Osmani në platformën “X”.
Të enjten, më 4 prill, NATO-ja e feston 75-vjetorin.
Kjo ngjarje shënohet me ceremoni të ndryshme në selinë qendrore të aleancës në Bruksel, si dhe në vende të tjera në kryeqytetin belg.
NATO is a pledge to future generations that they will inherit a world that is safer and more secure.
— Vjosa Osmani (@VjosaOsmaniPRKS) April 4, 2024
NATO is our destiny. It's Kosovo's destiny.
Our journey towards joining the Alliance doesn't pause, it doesn't falter. We keep pushing forward together. Always. #1NATO75years pic.twitter.com/0C0Kv2Fqiz
Rruga Press