Java nis me diell të nxehtë, temperaturat sot deri në 39 gradë. Njihuni me parashikimin e motit
Kjo javë nis me diell të nxehtë, me temperatura deri në 39 gradë celcius, por në ditët në vijim i nxehti do të jetë edhe më përvëlues. Kështu nga e mërkura deri të premten temperaturat do të shkojë mbi 41 gradë celcius.
Vendi ynë sot do të mbizotërohet nga alternime kthjellimesh dhe vranësirash duke sjellë mot të qëndrueshëm dhe të nxehtë në të gjithë territorin.
Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 18°C në 30°C, në zonat e ulëta nga 23ºC në 37°C dhe në zonat bregdetare nga 26°C në 39°C.
Era do të fryjë në drejtimin Jugperëndimor ndërsa forca e valëzimit në det do të jetë 3 ballë.
Kosova sot do të mbizotërohet nga alternime vranësirash dhe kthjellimesh të cilat do të sjellin mot kryesisht të qëndrueshëm por do të ketë edhe stuhi shiu në disa zona. Temperaturat do të pësojnë një rritje të lehtë ku do të variojnë: në zonat malore nga 17°C në 32°C dhe në zonat e ulëta nga 20°C në 34°C.