Sanduloviqi u arrestua për nxitje të urrejtjes, fletarresti bazohet në deklaratat e tij pro Kosovës

Çedomir Stojkoviq, avokati i politikanit Nikola Sanduloviq në Serbi, ka publikuar vendimin për arrestimin e tij e lëshuar nga autoritetet serbe.

Në vendim thuhet se jepet urdhri për arrestim për Sanduloviqin i cili, siç shkruhet në të, akuzohet për kryerje të veprës penale të urrejtjes kombëtare, racore e fetare, dhe intolerancës.

“Ekziston dyshimi i arsyeshëm se i dyshuari Nikola Sanduloviq ka kryer veprën penale të nxitjes së urrejtjes kombëtare, racore dhe fetare, dhe impotencës, në atë mënyrë që përmes rrjetit social X publikoi një përmbajtje në formë të videos ku bën homazhe te varret në Kompleksin Memorial ‘Adem Jashari’ në Prekaz”, thuhet në arsyetim.

Më tej, është vendosur edhe postimi i Sanduloviqit ku thoshte: “Unë jam i vetmi politikan nga Serbia që kam ardhur për të nderuar viktimat e pafajshme shqiptarë, anëtarët e familjes Jashari, në Prekaz”.

Ndërkohë, theksohet edhe pjesa ku Sanduloviqi kërkon falje për krimet e luftës që kreu Serbia mbi shqiptarët e Kosovës, e jepet sërish pretendimi se serbët nuk i kryen ato krime.

Rruga Press