KryesoreLajme

Joseph thumbon heshtjen e Hill-it: Një zë mungon në mesin e atyre që bëjnë thirrje për hetim

user 1

Të dielën në Serbi janë mbajtur zgjedhjet e jashtëzakonshme.

Nga opozita në Serbi thonë se ka patur shumë parregullsi, blerje votash e “tren bullgar”, transmeton Rruga Press

Madje opozita është mbledhur para objektit të komisionit zgjedhor në Beograd, duke kërkuar mospranimin e rezultateve të zgjedhjeve në Beograd dhe ka nxjerrë qytetarë të shumtë në protesta.

Shumë prej tyre u futën edhe në grevë urie, duke u zotuar se nuk do të tërhiqen derisa të përmbushen kërkesat e tyre.

Për këtë situatë ka reaguar edhe analisti i mirënjohur i politikës së jashtme, Edward P. Joseph, i cili nuk ka lënë pa thumbuar dhe ambasadorin e SHBA-së në Serbi, Christopher Hill për mungesën e tij të reagimit.

Lexo më shumë  Kosova do të hapë fabrikën e prodhimit të municionit dhe dronëve. Kurti: Sot hedhim hapat e parë për ngritjen e industrisë ushtarake

Joseph, në një postim në platformën X, liston të gjithë institucionet dhe figurat politike që kanë reaguar mbi parregullsitë e procesit zgjedhor dhe vë në pah se ka një zë/institucion akoma të heshtur, pa zë, Ambasada e SHBA-së në Serbi.

“Supozohet për mashtrim të hapur në zgjedhjet serbe. Por një zë mungon në mesin e atyre që bëjnë thirrje për hetim: protestuesit/grevistë urie/shoqëria civile serbe; Keshilli i Europës; Anëtarë të PE-së, të cilëve u janë bashkuar tani senatorë kryesorë amerikanë. Senatorja Shaheen është “e shqetësuar nga raportet se votuesit u dërguan me autobus në Serbi për të mbështetur partinë në pushtet, përveç raporteve për blerje votash dhe mbushje të kutive të votimit”.

Zëdhënësi i Departamentit të Shtetit është shprehur, duke cituar gjithashtu raportin e vëzhgimit të OSBE-së.

Një zë i rëndësishëm mungon që populli i Serbisë dhe qeveria serbe ta dëgjojnë.“– shkruan ai.

Lexo më shumë  Kryeministri Kurti: Qeveria e Kosovës po harton ligj të ri për mbrojtjen nga diskriminimi

Christopher Hill është kritikuar edhe më parë për butësinë e tij karshi autokratit Vuçiq dhe qeverisjes së tij.

Rruga Press

YouTube player