Kurti: Vizita e Stoltenbergut dëshmon se NATO ka angazhim për sigurinë në Kosovë

Kryeministri i Kosovës, Albin Kurti ka thënë se vizita e sekretarit të Përgjithshëm të NATO-s, Jens Stoltenberg gjatë javës së ardhshme dëshmon se ka angazhim për sigurinë në Kosovë.

Ai përmes një postimi në Twitter ka shkruar se Bashkimi Evropian ka ekspozuar zyrtarisht synimin e Rusisë për të provokuar konflikt të ri në Ballkanin Perëndimor.

“Rruga më e sigurt drejt paqes së vazhdueshme është dhënia e statusit të kandidatit Kosovës dhe anëtarësimi në NATO”, ka shkruar ai.

SG @jensstoltenberg's upcoming visit to Kosova demonstrates @NATO's firm commitment to our security. With the 🇪🇺 officially exposing Russia’s intent to provoke a new conflict in WB6, the surest path to sustainable peace is to grant 🇽🇰 EU candidate status & integration into NATO.

— Albin Kurti (@albinkurti) November 19, 2023

Stoltenberg, do ta vizitojë të hënën Kosovën.

Ai do ta takojë presidenten Vjosa Osmani, dhe kryeministrin Albin Kurti.

Rruga Press