Lajme

Osmani: Kosova po bëhet një qendër teknologjike në rritje

User2

Presidentja e vendit, Vjosa Osmani dhe një ekip nga Kosova po marrin pjesë në konferencën më të madhe të teknologjisë në botë Web Summit që po mbahet në Lisbonë të Portugalisë.

E para e shtetit para një audience në Lisbonë ritheksoi se sektori i lulëzuar i TIK-ut është një dëshmi e potencialit të Kosovës si destinacion kryesor për investime dhe bashkëpunim ndërkombëtar.

“Me popullsinë më të re të Evropës, me njohuri teknologjike, shumëgjuhëshe dhe me kostot më konkurruese të punës, Kosova po bëhet një qendër teknologjike në rritje.

Lexo më shumë  Kongresmeni i SHBA Wilson: Deklarata e neveritshme e ministres serbe e diskualifikon Beogradin për organizimin e Asamblesë së OSBE-së në vitin 2027

Sektori ynë i lulëzuar i TIK-ut është një dëshmi e potencialit të Kosovës si destinacion kryesor për investime dhe bashkëpunim ndërkombëtar”, thekson Osmani.

Ajo po ashtu thotë se sektori gjithnjë e në rritje i teknologjisë në Kosovë, i udhëhequr nga energjia e jashtëzakonshme e rinisë sonë, e pozicionon vendin tonë si një shembull inspirues në sektorin e teknologjisë informative.

Lexo më shumë  Kurti merr pjesë në hapjen e bazës operative të Wizz Air në Aeroportin Ndërkombëtar të Prishtinës

“Mirëpo, teknologjia duhet të jetë gjithnjë në shërbim të njerëzimit dhe jo ta mbizotërojë atë. Duhet të jemi gjithnjë e më të angazhuar për të garantuar gjithëpërfshirjen, diversitetin dhe etikën në çdo hap të këtij rrugëtimi transformativ”, ishte shprehur ajo.

Rruga Press

YouTube player