Kosova pas pesë vitesh rikthen marrëdhëniet diplomatike me Republikën e Palauit

October 20, 2023 User2

Zëvendësministri i Jashtëm i Kosovës, Kreshnik Ahmeti, ka thënë se marrëdhëniet diplomatike me Palaun janë rikthyer pas pesë vjetësh.

“Pas pesë viteve, rikthehen marrëdhëniet diplomatike me Palaun”, ka shkruar Ahmeti në Facebook, ku ka bashkangjitur edhe një fotografi ku shihet ambasadori i Kosovës në Japoni, Sabri Kiçmari, me përfaqësuesin e Republikës së Palauit.

Lexo më shumë FOTO-DENONCIMI/ Pas 9 vitesh del në dritë e vërteta: Erion Veliajt nuk iu dha kurrë titulli “Doctor Honoris Causa” nga “Grand Valley State University” në SHBA

Në janar të vitit 2019 ishte raportuar se Republika e Palauit do ta shqyrtojë vendimin për njohjen e pavarësisë së Kosovës.

Kështu thuhej në notën që kryetari i Palauit, ia kishte dorëzuar ministrit serb të Punëve të Jashtme, Ivica Daçiq.

Në notë, siç raportonin mediat serbe, theksohej se ky shtet ka marrë vendimin që sërish ta shqyrtojë pozicionin e vet lidhur me statusin e Kosovës.

Lexo më shumë ’Rama po e shet Shqipërinë!’ Këlliçi: Ndryshimi s’vjen nga qielli, të majtë e të djathtë të vijnë sot në shesh

Rruga Press