Konjufca: I tronditur thellë nga sulmet terroriste kundër Izraelit

Kryetari i Kuvendit, Glauk Konjufca, ka reaguar lidhur me sulmin e Hamasit kundër Izraelit, ku mbetën të paktën 40 të vrarë dhe mbi 750 të plagosur, përcjell KosovaPost.

Konjufca në platformën ”X”, ka thënë se qëndron në solidaritet me shtetin e Izraelit dhe popullin e tij gjatë kësaj kohe sfiduese.

Në emër të Kuvendit të Kosovës, Konjufca iu ka shprehur ngushëllime familjeve që humbën më të dashurit e tyre.

“I tronditur thellë nga sulmet terroriste të mëngjesit të sotëm kundër Izraelit. Ne qëndrojmë në solidaritet me shtetin e Izraelit dhe popullin e tij gjatë kësaj kohe sfiduese. Në emër të Kuvendit të Kosovës shpreh ngushëllimet tona të përzemërta për familjet që humbën më të dashurit e tyre”, ka shkruar Konjufca.

Deeply shocked by this morning’s terrorist attacks against Israel. We stand in solidarity w/ the state of Israel & its people during this challenging time.
On behalf of the Parliament of Kosova, I extend our heartfelt condolences to the families who lost their loved ones.

— Glauk Konjufca (@KonjufcaGlauk) October 7, 2023

Rruga Press