Ministri Krasniqi takon Hetemin, flasin për zhvillimin ekonomik

September 13, 2023 user 1

Ministri i Administratës së Pushtetit Lokal, Elbert Krasniqi, ka njoftuar të mërkurën se e ka takuar kryetarin e Leposaviqit, Lulzim Hetemin, me të cilin tha se kanë diskutuar mbi zhvillimin ekonomik.

Krasniqi ka shkruar në Facebook të mërkurën se kanë biseduar me Hetemin edhe për angazhimin e tij në shërbim të qytetarëve.

Lexo më shumë Kurti takon O’Brienin e Lajçakun: Marrëveshja Bazike dhe Aneksi duhet të zbatohen të plota

“Këtë pasdite, takova kryetarin e Komunës së Leposaviqit, Lulzim Hetemin. Gjatë këtij takimi diskutuam për angazhimin e tij në shërbim të qytetarëve dhe planet për zhvillimin ekonomik lokal përmes iniciativave konkrete”, ka shkruar ministri Krasniqi.

Hetemi po vazhdon të qëndrojë në objektin e komunës që nga 29 maji i sivjetmë kur me përcjelljen e Policisë së Kosovës ishte vendosur në komunë.

Lexo më shumë Raporti i Gallup: Kosova në mesin e vendeve më të sigurta për të ecur vetëm gjatë natës

Atij i është bërë thirrje të largohet nga objekti dhe të kryejë detyrën e kryetarit nga një objekt sekondar, por që ai dhe kryetari i Mitrovicës së Veriut, Erden Atiq, të dy anëtarë të Lëvizjes Vetëvendosje, nuk kishin pranuar.

Rruga Press