SPAK-u lëshon urdhër-arresti për ish-zyrtarë të Bashkisë Durrës

June 6, 2023 user 1

Prokuroria e Posaçme ka nxjerrë urdhër-arreste për disa ish-zyrtarë të bashkisë Durrës.

Sipas informacioneve jozyrtare, me urdhër të SPAK janë firmosur disa urdhër-arreste për ish-zyrtarë të bashkisë në Durrës të dyshuar për shpërdorim detyre dhe falsifikim dokumentesh.

Operacioni është në vijim dhe nuk dihen ende emrat dhe çfarë detyrash kanë mbajtur personat në fjalë.

Lexo më shumë Murati publikon grafikun për kontratat 'njëburimore' ndër vite: Numri i kontratave njëburimore në mandatin tonë është përgjysmuar

Gazetari i Euronews Albania, Eni Ferhati raportoi se në mënyrë jozyrtare është mësuar se bëhet fjalë për një procedim penal të hetuar prej kohësh lidhur me një ndërtim pa leje.

Sipas informacioneve, ish-zyrtarë dhe zyrtarë të bashkisë akuzohen për falsifikim dokumentesh dhe shpërdorim detyre.

Edhe pse në media është përfolur se mes urdhër-arresteve është edhe ish-kryebashkiaku i Durrësit Vangush Dako, nuk ka asnjë informacion zyrtar nga SPAK lidhur me këtë.

Lexo më shumë Zgjedhjet e 9 shkurtit, Konjufca fton mërgimtarët që të regjistrohen dhe të shfrytëzojnë të drejtën për të votuar në ambasada ose konsullata

Rruga Press