Gjinovci: Opozita në Kosovë me mendësi feudale nuk e shohin veten si subjekt
Vendimet e SHBA-së ndaj Kosovës për shkak të veprimeve të Qeverisë në veri të vendit, aktivisti Rron Gjinovci po i sheh si të momentit. Ai i ka quajtur improvizim deklaratat e amerikanëve, të cilët duke dënuar veprimet e Qeverisë njoftuar se Kosova përjashtohet nga stërvitjet “Defender Europe 2023” ndërkohë paralajmëruan pasoja të tjera.
“I shoh si improvizim i momentit i zyrtarëve amerikanë sepse po befasohen prej aksioneve. Kjo pati ndodhur edhe në rastin e Haradinajt në vendosjen e taksës 100%”.
Gjinovci ka thënë se nuk çuditet me qëndrimet e partive opozitare të cilat, siç ka thënë ai, kanë mendësi feudale.
“Opozita, kam një çudi me LDK-në, por për AAK-në dhe PDK-në këta edhe ashtu janë me mendësi feudale, këta bazën politike e kanë te disa feude të vogla dhe nuk e shohin veten si subjekt që mund të bëjë ndryshime politike, më shumë e shohin çfarë thotë perandori. Është shumë me rëndësi që kjo mendësia feudale, provinciale, që ka mbretëruar qe 20 vjet në Kosovë, kjo e ka mësu njeriun me mëndu që liria dhe e drejta për të jetuar nuk na takojnë, ato na ka falë dikush. Këtu është problemi”, ka theksuar Gjinovci.
Rruga Press