Shpallet konkursi për hartimin e Master Planit për Kompleksin Memorial Adem Jashari në Prekaz
MInistri i Ministër i Kulturës, Rinisë dhe Sportit, Hajrulla Çeku ka publikuar njoftimin e shpalljes së konkursit për hartimin e planit për Kompleksin Memorial Adem Jashari në Prekaz. Më poshtë njoftimi i plotë:
Shpallet konkursi për hartimin e Master Planit për Kompleksin Memorial Adem Jashari në Prekaz
Pas angazhimit të Komisionit të ekspertëve për hartim të detyrës projektuese, dhe pas miratimit të kushteve, kritereve dhe procedurave nga Qeveria e Kosovës, kemi shpallur konkursin për hartimin e Master Planit.
Ky është ndër proceset dhe projektet më delikate të Republikës sonë, kemi punuar me hapa të sigurt, pa u ngutur, por edhe pa humbur kohë. Nuk do të kursejmë asgjë për të pasur një kompleks memorial të përmasave botërore, çfarë është edhe figura e Adem Jasharit. Një kompleks memorial që do të rrëfejë dinjitetshëm dhe me standard të arrirë artistik rezistencën e popullit dhe luftën për liri, pavarësi e bashkim.
Konkursi është hapur sot dhe afati i fundit për dorëzim është 07.07.2023,
Për informata më të hollësishme rreth kritereve të aplikimit: https://e-prokurimi.rks-gov.net/…/DokumentPodaciFrm…
Rruga Press