Pas tankeve, zyrtarët e Pentagonit duan të furnizojnë Ukrainën me avionë luftarakë F-16

Zyrtarët e Pentagonit duan të dërgojnë avionë luftarakë F-16 në Ukrainë pasi ushtria e Volodymyr Zelensky-t siguroi tanke nga Gjermania dhe SHBA-ja.

Pasi mori dritën jeshile për tanket, lideri ukrainas ka kërkuar avionë luftarakë të gjeneratës së katërt të cilët mund të arrijnë shpejtësi më shumë se 1931.2 km/h përpos ndihmës prej afro 30 miliardë dollarësh që nga nisja e pushtimit të Rusisë më 24 shkurt.

Ky është një diskutim i vazhdueshëm në SHBA, pasi administrata Biden deri më tani i ka kundërshtuar kërkesat e Kievit për avionë luftarakë.

Zëvendës këshilltari amerikan për sigurinë kombëtare Jonathan J. Finer pohoi se megjithëse nuk ka ende një vendim të caktuar, mundësia është në tavolinë.

“Ne nuk kemi përjashtuar ndonjë sistem specifik,” tha Finer, sipas The Telegraph. 

“Çdo dhurim i tillë i F-16-ve do të zemëronte më tej Vladimir Putinin dhe ka të ngjarë të ndezë më tej marrëdhëniet mes Rusisë dhe Perëndimit,” shtoi ai.

Zelensky po përgatitet që SHBA-ja të dorëzohet përpara një prej kërkesave të tij të radhës pasi pilotë me përvojë që mund t’i drejtojnë avionët luftarakë janë identifikuar në vend.

Rruga Press