Përshkallëzon situata mes dy Koreve, lëshojnë avionë luftarakë pranë kufirit

Tensionet e reja po shpërthejnë midis Koreve, me Veriun që fluturon aeroplanë luftarakë pranë kufirit të tyre të përbashkët derisa Jugu mban një stërvitje artilerie.

Avionët e Koresë së Veriut iu afruan zonës së ndalim-fluturimit në kufi midis orës 22:30, të enjten dhe orës 12:20 të premten, sipas Shefit të Shtabit të Përbashkët të Jugut (JCS), në një lëvizje që Pheniani e ndoqi vetëm disa orë më vonë me lëshimin e 27-të të raketave të vitit, raportoi CNN-i të premten.

Në një moment, avionët e Veriut ishin vetëm 12 kilometra nga kufiri verior i Linjës së Demarkacionit Ushtarak që shkon poshtë qendrës së Zonës së Çmilitarizuar që ndan dy Koretë, tha JCS.

Koreja e Jugut u përgjigj me avionë luftarakë, duke përfshirë F-35-at e saj më të mirë.

Agjencia Qendrore e Lajmeve e Koresë së Veriut, e drejtuar nga shteti, tha se veprimet ishin në përgjigje të 10 orësh stërvitjeve të artilerisë së Koresë së Jugut pranë kufirit.

Kim Jong Un-i dështon me photoshop-in, ekspertët rrëzojnë ‘mburrjet’ e tij

Ekspertët e editimit të imazheve kanë rrëzuar propagandën e liderit të Koresë së Veriut, Kim Jong Il e cila disa ditë më parë u shfaq me gjithë pompozitetin e saj në lidhje me forcën ushtarake që ky vend zotëron.

Mediat shtetërore publikuan foto nga stërvitja e fundit ajrore e trupave koreano-veriut, ku sipas raportimeve më shumë se 150 avionë u angazhuan në këtë operacion gjigant, ku synimi ishte tregimi i muskujve.

Por një sy ekspert vuri re në këto pamje se shumë nga bateritë e avionëve ishin shtuar me anë të programit të njohur të photoshopit.

Sipas Thorsten Beck, imazhet janë retushuar dhe avionë të vetëm apo formacione të tëra janë shtuar për të dhënë një ide se manovrat ishin më të mëdha nga sa ishte në realitet.

Rruga Press