Abazoviqi akoma asnjë fjalë për ato që ndodhën në Kosovë

Për situatën në Veriun e Kosovës ka pasur reagime në Evropë dhe përtej Oqeanit Atlantik, ka reaguar edhe Federata Ruse e Bjellorusia, por jo edhe kryeministri shqiptar i Malit të Zi, Dritan Abazoviq.

Të dielën Kosova e Serbia u përfshin në tensione kur po afronte afati për hyrjen në fuqi të vendimeve të qeverisë për reciprocitet në targa dhe dokumente.

Teksa Kosova u shfaq e vendosur për t’i çuar përpara vendimet e saj, Aleksandër Vuçiq nxiti strukturat e tij kriminale të vendosin barrikada nëpër rrugët që çojnë në pikat kufitare, Jarinje dhe Bërnjak.

Dje reagoi Kryeministri i Shqipërisë Edi Rama, sot Maqedonia e Veriut, por nuk pati reagim nga Kryeministri Abazoviq.

Këto vendime të reciprocitetit po dalin të jenë në koordinim me bashkësinë ndërkombëtare.

Abazoviqi kohëve të fundit ka tentuar të rregullojë raportet me Serbinë dhe Kishën Ortodokse Serbe – një kontest shekullor mes popullit serb dhe atij malazez – që në thelb ka edhe çështjen identitare mes këtyre popujve.

Rreth kësaj presidenti i Malit të Zi, Milo Gjukanoviq ka shprehur kundërshtim dhe paralajmërim për shkarkim të mundshëm të Abazoviqit.

Rruga Press