KFOR-i e përsërit se është i gatshëm të marrë masa për ta mbajtur Kosovën të sigurt

Misioni i KFOR-it e ka përsëritur se po monitoron edhe sot nga afër situatën në veri të Kosovës, bashkë me organizatat vendore dhe ndërkombëtare të sigurisë.

Duke u thirrur nën mandatin e tij të OKB-së, KFOR-i, përmes një postimi në Twitter, ka thënë se mbetet fuqishëm i përkushtuar ndaj sigurisë dhe se është i gatshëm të marrë masa për të mbajtur Kosovën të sigurt.

“KFOR-i po monitoron nga afër situatën në veri të Kosovës me organizatat vendore dhe ndërkombëtare të sigurisë. Nën mandatin e tij të OKB-së, KFOR-i mbetet fuqishëm i përkushtuar ndaj sigurisë, i gatshëm të miratojë masat e nevojshme për ta mbajtur Kosovën të sigurt”, thuhet në shkrimin e KFOR-it në Twitter.

Edhe dje, gjatë kohës sa situata në pjesën veriore po mbretëronte e tensionuar, misioni i KFOR-it doli me një deklaratë të ngjashme, duke thënë se janë të gatshëm për intervenim në rast të përshkallëzimit të situatës së sigurisë. 

Rruga Press