Bota

La Repubblica: Grupi Wagner po i shtyn emigrantët qëllimtazi drejt Italisë

Në Itali gara elektorale e zgjedhjeve që do mbahen me 25 shtator të këtij viti duket se ka nisur shumë herët dhe kjo pas denoncimit të “La Stampa” se regjimi i Putin ka influencuar në rrëzimin e qeverisë Draghi.

Prestigjozja italiane ‘La Repubblica’ ka ndarë sot një tjetër fakt shqetësues pasi sipas saj, emigrantë klandestinë që përmes Mesdheut po mbërrijnë çdo orë e më shumë në brigjet italiane janë të shtyrë enkas për të destabilizuar e influencuar votën politike në Itali.

Lexo më shumë  Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara

‘La Repubblica’ informon se fluksi i emigrantëve ilegalë që përmes detit mbërrijnë në Itali e shumë më tepër se sa gjatë dy vitet e fundit, është i orientuar e i qëllimshëm.

Nën kontrollin e milicisë së gjeneralit Haftar në Libi e ndihmuar nga mercenarët rusë të Grupit Wagner në brigjet libianë janë aktivizuar dhe dy porte të pazakonta për nisjen e emigrantëve drejt Italisë.

Zbarkime në Itali që nga fillimi i vitit janë 38,778, kundrejt 27,771 në të gjithë vitin 2021 dhe 12,999 në 2020-ten në mes të pandemisë. 

Pas të dhënave më të ulëta të shkurtit dhe marsit, rritja është e dyshimtë në prill dhe maj, e cila ka vazhduar në qershor dhe korrik. 

Rruga Press

YouTube player

Leave a Reply

Your email address will not be published. Required fields are marked *