Deklarata e pretendentes për Kryeministre, Truss: Do përkushtohem që Putini të pësojë një disfatë strategjike

Ministrja e Jashtme britanike, Liz Truss tha sot se do të jetë shoqja më e mirë e Ukrainës nëse bëhet kryeministre e re.

Ajo tha se do të telefononte menjëherë presidentin e Ukrainës, Volodymyr Zelensky, raportoi reuters.

Truss tha se do të punonte me aleatët për të dërguar më shumë armë dhe ndihmë humanitare në Ukrainë.

“Si kryeministre, do të jem mikja më e madhe e Ukrainës, duke ndjekur shembullin e Boris Johnsonit, dhe do të përkushtohem plotësisht që (presidenti rus Vadimir) Putin të dështojë në Ukrainë dhe të pësojë një disfatë strategjike, si dhe që Rusia të jetë e kufizuar në të ardhmen”, tha ajo.

Theksojmë se Truss dhe Rishi Sunak është në garë për kreun e partisë konservatore dhe të postit të kryeministrit britanik.

Ndryshe, Boris Johnson po e kryen detyrën e kryeministrit teknik të Britanisë së Madhe pas skandaleve të njëpasnjëshme në qeveri.

Rruga Press