Zbulohet emri, kush është personi me iniciale “I.M” me dosjen 140 faqe në Sigurimin e Shtetit! Ja lëvizja e tij pas njoftimit

Imigron Muçaj, rezulton të jetë personi me inicialet I.M. që përmendet në dokumentet e Autoritetit të Dosjeve si ish bashkëpunëtor i Sigurimit të Shtetit.

Sipas ABC, ky person nuk ka asnjë lidhje me ish presidentin Ilir Meta, pas aludimeve në media të emrit të tij si i rekrutuar nga ish-sigurimi në diktaturë.

Sipas asaj që ABC, raportoi më herët, personi I.M me anë të një letre zyrtare i ka kërkuar informacion institucionit të Autoritetit të Dosjeve, të drejtuar nga Genta Sula, për të marrë informacion se çfarë ka shkruar ish-sigurimi për personin e tij, pasi dyshonte se gjatë viteve të fundit të diktaturës ka qenë i përndjekur nga agjentët e spiunazhit shqiptar.

Personi në fjalë, që i ka kërkuar Autoritetit të Dosjes informacion mbi dosjen e tij është Imigron Muçaj, në këtë rast nuk ka asnjë lidhje me emrin e ish-Presidentit.

Ditën e djeshme Autoriteti i Dosjeve me anë të një letre i është drejtuar Kuvendit duke propozuar ndryshime ligjore për verifikime të rasteve te ngjashme.

Prandaj ditën e sotme Kryetarja e Kuvendit Lindita Nikolla thirri me urgjencë krerët e grupeve parlamentare, për t’i njohur me dosjen që ekziston në emër të politikanit I.M.

Rruga Press