Rusia synon pushtimin e Moldavisë? “Kontrolli i jugut të Ukrainës portë hyrëse për në republikën e vetëshpallur të Transnistrias

Ushtria ruse ka thënë se marrja e kontrollit të rajonit jugor të Ukrainës do t’u sigurojë atyre një portë tjetër për në Transnistria në Moldavi, raportoi të premten agjencia ruse e lajmeve Tass.

Raportimet vijnë vetëm disa javë pasi shtabi i përgjithshëm i forcave të armatosura të Ukrainës tha se besonte që trupat ruse po grumbulloheshin në republikën e vetëshpallur të Transnistria dhe po përgatiteshin të kryenin “provokime” përgjatë kufirit.

Ukraina ka frikë se trupat ruse në Transnistria – të cilat besohet se numërojnë rreth 1300, mund të hapin një front tjetër lufte.

Por si Moldavia ashtu edhe autoritetet separatiste në rajonin e shkëputur e kanë mohuar këtë pretendim.

Ministria e Jashtme e Moldavisë tha se nuk kishte “asnjë informacion për të konfirmuar” mobilizimin e trupave, por ishte “duke monitoruar nga afër” situatën.

Rruga Press