Lajme

Qeveria, propagandë me paketën sociale, jo të gjithë pensionistët përfitojnë

Nga paketa e rezistencës sociale, duket se nuk do të përfitojnë mijëra pensionistë, pasi qeveria ka vendosur kritere penalizuese. Nga një vëzhgim i bërë në Korçë dhe Elbasan, pensionistët tregojnë për gazetaren Sidorela Xhomaqi të SYRI TV se nuk kanë përfituar 3- mijë lekshin e përballimit të krizës, pasi figurojnë në certifikatë familjare me fëmijët e tyre.

Kryeministri prezantoi me bujë paketën  e rezistencës sociale prej 3 mijë lekësh për pensionistët dhe shtresat në nevojë, me qëllim që të përballojnë rritjen e çmimeve të produkteve bazë të jetesës. Por duket se dhe këtë herë, qeveria ka përdorur propagandën për të zbutur efektin e pakënaqësive që u krijuan ndaj saj për shkak të rritjes së çmimeve.

Lexo më shumë  I riu denoncon policët e Komisariatit Nr. 1: Më dhunuan Roki Pepa dhe Ervin Hasrama në zyrë

Dhjetëra pensionistë korçarë kanë shkuar në zyrat e postës me shpresën se do të përfitojnë 3 mijë lekëshin e premtuar, por shumë prej tyre janë kthyer pas të dëshpëruar, pasi qeveria ka vendosur që të mos e përfitojnë pensionistët që janë në të njëjtën çertifikatë familjare me fëmijët e tyre.

E njëjta situatë është dhe në Elbasan, shumë pensionistë nuk e përfitojnë shpërblimin për shkak se figurojnë në të njëjtën çertifikatë familjare me fëmijët e tyre. Por jo vetëm kaq, edhe kur dy pensionistë jetojnë të vetëm, shpërblimin e qeverisë e përfiton vetëm një prej tyre, ai që është kryefamiljar.

Lexo më shumë  Murati dorëzon kallëzim penal ndaj Ramës për keqpërdorim të 2.2 milionë eurove nga projekti me BERZH-in

Pra, siç shihet, edhe në këtë situatë krize, pensionistët dhe shtresat në nevojë, janë përdorur përsëri nga qeveria për propagandë, pasi mijëra prej tyre, nuk do të përfitojnë nga paketa e rezistencës sociale.

Rruga Press

YouTube player

Leave a Reply

Your email address will not be published. Required fields are marked *