(Video) Sela: Censusi gjysmak. Kushtetuta e Maqedonisë së Veriut duhet ndryshuar
Kreu i Aleancës për Shqiptarët, Ziadin Sela në konferencën e sotme për shtyp tha se Aleanca për Shqiptarët mbështet ndryshimet kushtetuese në Maqedoninë e Veriut, me çka do të hiqej 20 përqindëshi si përcaktues për shqiptarët në Kushtetutë.
Sela tha se shqiptarët nuk duhet të trajtohen me definicione ofenduese në kuadër të kushtetuese.
“Ndryshimet kushtetuese, e para punës, nuk duhet të varen nga regjistrimi i popullsisë. Qëndrimi i ASh-së është konsistent dhe i përhershëm, i shprehur shumë herë publikisht edhe kur është hapur Kushtetuta. E dëshmuar edhe me amendamente në të cilat segmente mendojmë se duhet ndryshuar Kushtetuta, dhe po, Kushtetuta duhet ndryshuar!”, theksoi mes tjerash Sela.
Më poshtë gjeni fjalën e plotë të z. Sela ku ai shprehet për këtë çështje dhe për regjistrimin e qytetarëve në Maqedoninë e Veriut.