“Një hap drejt jetës normale”, Portugalia vendos të heqë kufizimet kundër COVID-19

Portugalia ka njoftuar se do të heqë kufizimet kundër koronavirusit. Ky vendim i qeverisë portugeze ka ardhur pasi u shënua një rënie e infektimeve gjatë 24 orëve të fundit.

Autoritetet shëndetësore raportuar 16, 500 të infektuar , shifra këto në rënie në krahasim me muajin e kaluar ku u regjistruan më shumë se 50, 000 raste të reja.

Tashmë nuk do të duhet një certifikatë vaksinimi për të hyrë në restorante, bare , klube . Gjithashtu nuk do të ketë më kufizime për grumbullimet në hapësira publike.

Ndërkaq pavarësisht heqjes së masave, maskat do të duhet të mbahen ende në ambiente të mbyllura, dhe se certifikata e vaksinimit është e vlefshme gjatë vizitave në spital.

Nga ana e saj zëdhënësja e kabinetit Miriana Vieria da Silva, theksoi se ky është një hap drejt jetës normale.

“Ky është një hap drejt jetës normalë, që dy vite më parë na u rrëmbye”, ka thënë ajo.

Rruga Press