Ndërron jetë në moshën 37-vjeçare nënkryetari i Bashkisë Elbasan

Bashkia e Elbasanit njofton ndarjen nga jeta, në moshën 37 vjeçare, të nënënkryetarit të saj Ervin Saraçi.

Saraçi pësoi një goditje cerebrale pak ditë më parë dhe u dërgua me urgjencë në një spital në Tiranë, por pa mundur të mbijetojë.

Njoftimi i Bashkisë Elbasan:

Bashkia e Elbasanit njofton me keqardhje se është ndarë nga jeta në moshën 37 vjeçare nënkryetari i Bashkisë Ervin Saraçi.

Prindërit humbën sot djalin shembullor, bashkëshortja humbi shokun e jetës dhe djali humbi babain e pazëvendësueshëm.
Qyteti i Elbasanit humbi një djalë punëtor e të devotshëm, ndërsa Bashkia e Elbasanit humbi kolegun, mikun dhe punonjësin korrekt, fjalëpak e të përkushtuar.
Bashkia e Elbasanit faleminderon qytetarët për mbështetjen e pakursyer në këto ditë të vështira për familjen Saraçi.
Ngushëllime familjes, miqve dhe shokëve.
I përjetshëm do të jetë kujtimi i tij.

09 Dhjetor: Pëson vdekje klinike Ervin Saraçi, zv. kryetari i Bashkisë së Elbasanit.

Ai pësuar vdekje klinike dhe është në gjendje të rëndë, por zyrtarisht është gjallë dhe mbahet në jetë nga aparaturat

37-vjeçari pasi pësoi një goditje cerebrale disa ditë më parë.

Saraçi u dërgua me urgjencë në një spital në Tiranë, ku iu nënshtrua një operacioni të ndërlikuar.

Ervin Saraçi ka mbaruar studimet e larta për gjuhën Frenge në Elbasan, mandej kishte kryer Masterin Shkencat politike në Belgjike.

Në vitin 2013-2015 u emërua drejtor i drejtorisë së Kujdesit Social po në bashkinë Elbasan e më pas u rrit në detyrë, duke zënë postin e nënkryetarit të bashkisë, post të cilin e mban deri tani.