Nicole Kidman tregon sakrificat e të qënit një aktore e mirë

Nicole Kidman ka zbuluar se edhe ajo dyshonte në veten e saj kur mori rolin e yllit Lucille Ball në “Being The Ricardos”.
Aktorja, 54 vjeçe, shkoi në masa ekstreme për të portretizuar aktoren amerikane – duke detajuar në një intervistë të re me DuJour se si ajo filloi të pijë duhan për të aktruar ‘zërin e thellë’ të Lucille.

Intervista gjithashtu i lejoi nënës së katër fëmijëve të fliste mbi plakjen brenda industrisë së aktrimit.
“Ekziston një konsensus në industri që si një aktore femër, rreth të 40-tave, ke mbaruar. Unë kurrë nuk u ula në një karrige dhe nuk dëgjova dikë të thoshte: “Ti e ke kaluar afatin”, por kam pasur raste kur të refuzojnë dhe derën të mbyllin,” pranoi ajo.

Megjithatë, pesë herë fituesja e “Golden Globe” beson se gjërat po ndryshojnë dhe po lëvizin përfundimisht .
Gjatë gjithë karrierës së Nicole, ajo ka marrë guximin të prodhojë, si dhe të aktrojë, dhe ka treguar për “DuJour “se si vajza e saj 13-vjeçare Sunday Rose ëndërron të bëhet regjisore.
Adoleshentja ka drejtuar së fundmi një produksion të Annie në skenë, por nëna e saj krenare nuk ‘lejohet të komplimentojë shumë’.
‘Gjithçka që doja të bëja ishte të bërtisja! Por nuk fola”, zbuloi Nicole.

Rruga Press