50 mijë të papunë nga pandemia – Rama bën propagandë LIVE

Kryeminstri Edi Rama deklaroi në konferencën e fundvitit se, Shqipëria është i vetmi vend në rajon që ka hequr taksën për biznesin e vogël gjatë pandemisë Covid-19.

Të dhënat zyrtare të Bankës së Shqipërisë tregojnë megjithatë të kundërtën: mbi 50 mijë vetë kanë humbur vendet e punës për shkak të pandemisë, sepse përkrahja për ta është pothuajse inekzistente.

Por Rama i mëshon një tjetër realiteti, duke thënë se falë lehtësirave të mundësuara bizneset e vogla xhirojnë deri në 10 mijë dollarë në vit.

“Afro 300 mijë qytetarë që kanë përfituar direkt pagë lufte nga paketa e parë apo nga paketa e dytë e ndihmës. Ndërkohë, ndihma direkte për biznesin e vogël është konkretizuar nga një hap kurajoz dhe progresist, jo vetëm për këtë fazë.

Por në afat të gjatë duke hequr taksën për biznesin e votën dhe duke u bërë i vetmi vend në rajon, se me Europën nuk krahasohemi, aty taksat janë shumë të larta. Ne kemi 0 taksa mbi fitimin për biznesin e vogël dhe 0 TVSH për bizneset e vogla, me një xhiro deri në 10 mijë dollarë në vit”, – tha Rama përpara gazetarëve. /Mapo

Rruga Press