12 orë udhëtim me tren, Rama dhe Abazoviç mbërrijnë në Kiev, bashkë me Batonin, Blushin e Spiropalin

June 15, 2022June 15, 2022 user 1

Kryeministri i Shqipërisë, Edi Rama, në orët e para të mëngjesit së 15 qershorit ka mbërritur në kryeqytetin e Ukrainës, Kiev.

Rama së bashku me kryeministrin e Malit të Zi, Dritan Abazoviç, kanë udhëtuar mbi 12 orë me tren nga qyteti i Pshemishit, Poloni – nga ku u bë nisja për në Ukrainë.

Dy krerët e Qeverive të Ballkanit Perëndimor u pritën nga forca të shumta ushtarake dhe delegacioni ukrainas.

Ata do të zhvillojnë disa takime të rëndësishme, ku fillimisht do të nisen drejt rajonit të Buchas, ku masakra ruse është vërtetuar më së shumti.

Rama dhe Abazoviçi do të shohin nga afër zonat e bombarduara të Borodyanka-s dhe Irpin-it dhe ekspozitën për luftën ruso-ukrainase.

Lexo më shumë Osmani: ShBA-ja është në ADN-në e suksesit të shtetit tonë

Më pas në orët e para të mesditës ata do të takohen me presidentin e Ukrainës, Volodymyr Zelenskyn, raporton AP.

Nga aty tre liderët do të mbajnë një konferencë të përbashkët për shtyp.

Vizita do të vijojë me takimin e kryeministrit të Ukrainës, Denys Shmyhal, dhe kryebashkiakut të Kievit, Vitali Klitschko.

Nuk do të mungojë as edhe një intervistë ekskluzive me “New York Times”.

Rama është i shoqëruar nga Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtor i Agjencisë për Media dhe Informim, Volodymyr Shkurov, Ambasador i Republikës së Ukrainës në Shqipëri dhe Dorjan Duçka, Këshilltar i jashtëm.

Lexo më shumë Rusia kërcënon NATO-n nëse dërgon trupa në Ukrainë

Po ashtu me kryeministrin shqiptar ndodhen edhe miqt e tij të afërt Ben Blushi dhe Baton Haxhiu.

Forcat Renea janë gjithashtu të pranishme për shkak se elementët e sigurisë: ushtria dhe policia janë te ngarkuara me situatën e krijuar.

Në pamjet e siguruar nga Albanian Post e Baton Haxhiut, vlen të theksohet se ndonëse prej muajsh Ukraina po i bën ballë pushtimit rus, Kievi mundohet të përcjellë një pamje tjetër.

Qyteti i pastër, postblloqe elegante dhe automjete të kamufluara mirë, janë përshtypja e parë që merr nga Kievi.