Zyrtarja e BE-së: Omicroni pritet të jetë varianti dominues deri në mes të janarit

Presidentja e Komisionit Evropian, Ursula von der Leyen, tha të mërkurën se Omicroni pritet të jetë variant dominues i coronavirusit në bllokun 27 vendesh deri në mes të janarit.

Sipas AP News, Von der Leyen tha se blloku është i përgatitur mirë për të luftuar Omicronin me 66.6 për qind të popullsisë evropiane tashmë të vaksinuar plotësisht kundër virusit.

Ajo tha se është e bindur që BE-ja ka “forcën” dhe “mjetet” për të kapërcyer sëmundjen, megjithëse shprehu zhgënjimin e saj që edhe një herë festimet e fundvitit do të shqetësohen nga pandemia.

“Si shumë prej jush, unë jam e trishtuar që edhe një herë këto Krishtlindje do të errësohen nga pandemia”, tha Von der Leyen.

Ajo shtoi se BE-ja tani po përballet me një sfidë të dyfishtë, me një rritje masive të rasteve në javët e fundit për shkak të variantit delta të kombinuar me rritjen e omicron, pasi disa vende anëtare tashmë po përballen me një numër rekord të infeksioneve.

Rruga Press