Zyrtari i BE-së: Kur ishte president, Trumpi më tha se nëse Evropa sulmohet, SHBA nuk do të ndërhyjë

January 10, 2024January 10, 2024 User2

Komisioneri Evropian për Tregun e Brendshëm Thierry Breton ka zbuluar një bisedë të kaluar mes tij dhe ish-presidentit amerikan Donald Trump, duke thënë se ky i fundit e paralajmëroi se SHBA nuk do e ndihmonte BE-në nëse do të sulmohej.

“Duhet të kuptoni se nëse Evropa është nën sulm, ne nuk do të vijmë kurrë t’ju ndihmojmë dhe t’ju mbështesim,” citoi ai të ketë thënë ish-shefi i Shtëpisë së Bardhë.

Lexo më shumë Digjet një fabrikë teknologjike në Berlin – ajo prodhon një armë të fuqishme të mbrojtjes ajrore, kishte furnizuar edhe Ukrainën

Sipas Breton, ish-presidenti e bëri këtë koment gjatë një bisede me Presidenten e Komisionit Evropian Ursula von der Leyen gjatë Forumit Ekonomik Botëror në Davos në vitin 2020. Në takim ishte i pranishëm edhe vetë Breton.

Komisioneri evropian pretendon se edhe Trump tha se “NATO ka vdekur” dhe se SHBA-të do të tërhiqen nga aleanca. “Kjo ishte një thirrje e madhe zgjimi dhe ai mund të kthehet,” tha Breton për Trump.

Lexo më shumë SHBA-ja thotë se Rusia ka përdorur “agjentë kimikë” kundër trupave ukrainase

Rruga Press