Zv. ministri italian Cirielli dhe ministri në detyrë Vitia vizitojnë Laboratorin e Mikrobiologjisë

July 8, 2026 User2

Zëvendësministri i Punëve të Jashtme dhe Bashkëpunimit Ndërkombëtar i Italisë, Edmondo Cirielli, së bashku me ministrin në detyrë të Shëndetësisë, Arben Vitia, vizituan Laboratorin e Mikrobiologjisë në Klinikën Infektive të Qendrës Klinike Universitare të Kosovës, i cili është themeluar në kuadër të bashkëpunimit ndërmjet Kosovës dhe Italisë, raporton Ekonomia Online.

Lexo më shumë Kalon në parim Projektligji për Byronë për Konfiskim të Pasurisë së Pajustifikueshme

Laboratori është realizuar me mbështetjen e Kooperacionit Italian për Zhvillim, përmes fondeve të projektit “Mbështetje për Sistemin Shëndetësor të Kosovës”, të financuar nga Agjencia Italiane për Bashkëpunim dhe Zhvillim.

Vizita u zhvillua në shenjë të vlerësimit të bashkëpunimit të ngushtë ndërmjet dy vendeve në forcimin e kapaciteteve të sistemit shëndetësor të Kosovës, veçanërisht në fushën e diagnostikimit laboratorik dhe mikrobiologjisë.

Lexo më shumë Arrestohet një person për thyerjen e xhamit të Kuvendit të Kosovës, i dyshuari del se ka dosje për disa raste në Polici. Për posedim të paautorizuar të armës, dhunë në familje dhe vjedhje

Rruga Press