Lajme

Zv.kryeministri Bislimi: Synim, arritja e standardeve për integrim në BE

Zëvendëskryeministri i parë për Integrim Evropian, Zhvillim dhe Dialog i Kosovës, Besnik Bislimi, mori pjesë në “Konferencën mbi Migrimin dhe efektet potenciale të liberalizimit të vizave me BE-në në tregun e punës në Kosovë”, në kuadër të sesionit “Strategic Vision”, së bashku me Ambasadorin e Gjermanisë në Kosovë, Jörn Rohde.

Bëhet e ditur se në bashkëbisedim me ambasadorin Rohde, pjesëmarrësit në përgjigjet dhe pyetjet e moderatorit të diskutimit, zëvendëskryeministri Bislimi tha se vizioni i Qeverisë së Kosovës është ai i integrimit në Bashkimin Evropian e arritjes së standardeve evropiane në mirëqenie të qytetarëve e funksionim efikas të institucioneve.

“Liberalizimi i vizave është një arritje e rëndësishme e pozitive. Zëvendëskryeministri Bislimi tha se marrja e vendimit final 8 muaj para nisjes së lëvizjes pa viza, ka ofruar kohë dhe hapësirë për të dizajnuar një fushatë informimi, e cila është shpërndarë e adresuar për të gjithë qytetarët. Ideja e fushatës ka garantuar dy aspekte: që qytetarët tanë të mund të lëvizin të lirë e me sa më pak barriera, pra nëse ka elemente shtesë në lidhje me udhëtimin jashtë, qytetarët të jenë sa më të informuar mbi kushtet e udhëtimit e ai tashmë të jetë kënaqësi e jo vështirësi siç ka qenë më parë, dhe e dyta është të sigurohemi që liberalizimi i vizave të mos keqinterpretohet dhe keqpërdoret, ku kemi shpjeguar se çka nënkupton e çka nuk nënkupton liberalizimi i vizave”, thuhet në njoftimin e zyrës për informim të Kryeministrit.

Lexo më shumë  Gashi: Inkurajojmë bashkatdhetarët të regjistrohen

Kujtojmë që fushata për liberalizimin e vizave ka nisur me datën 5 tetor, ku për më shumë se një muaj janë vizituar qytete e lokalitete anembanë vendit, e tashmë po vijon ende përmes rrjeteve sociale e televizioneve.

Kjo konferencë u organizua nga Oda Ekonomike Gjermano-Kosovare në bashkëpunim me International Organization for Migration (IOM), Friedrich-Ebert-Stiftung (FES), si dhe Kantar (Index Kosova)., bëhet e ditur në këtë njoftim.​

Lexo më shumë  Osmani ia thotë në sy Vuçiçit në Këshillin e Sigurimit: Serbët e Kosovës janë në trysni nga Serbia

Rruga Press

YouTube player