Zhvlerësimi i Euros, pse pësoi rënie në këmbim me lekun
TIRANË- Sipas kursit zyrtar të Bankës së Shqipërisë, 1 euro këmbehet për 123.7 lekë, në rritje të lehtë kundrejt një dite më parë. Por në krahasim me fillimin e Dhjetorit, monedha evropiane ka parë një rënie me 0.7 lekë kundrejt asaj kombëtare.
Eksperti për ekonominë Selami Xhepa thotë se luhatja ka ndodhur për shkak të të ardhurave të emigrantëve, por gjithashtu ndikim ka patur dhe qarkullimi i parave në rrugë informale. Sipas ekspertit monedha evropiane pritet të zhvlerësohet edhe më tej nga monedha vendase edhe gjatë vitit të ardhshëm, për shkak të shlyerjes së borxhit publik.
Sipas parashikimit të FMN-së dhe organizatave të tjera për vitin e ardhshëm kursi i këmbimit valutor do të ketë një trajektore të qëndrueshme, por në periudhën e 6-mujorit të dytë të vitit të ardhshëm për shkak të rritjes së borxhit publik mund të ketë luhatje mbi kursin e këmbimit valutor duke patur një zhvlerësim të lehtë të euros.