Zëvendësministri i Mbrojtjes Syla: Po blejmë armatim adekuat për t’iu përgjigjur kërcënimeve nga Serbia

January 12, 2022 user 1

Zëvendësministri i Mbrojtjes Shemsi Syla ka folur për planet e armatosjes së ushtrisë për vitin 2022.

Syla në RTV Dukagjini ka thënë se janë duke ndjekur politikën siç e ka praktikë Amerika për armatimet.

“Kemi qenë të vëmendshëm që të bëjmë marrëveshje për armë vetëm me shtete e jo me kompani private. Shteti përkatës bënë mbikëqyrjen e shitjes së armëve për Kosovën”, ka deklaruar Syla.

Lexo më shumë Elisa Spiropali i kërkon dorëheqjen Edi Ramës "përndryshe ndryshimi do të jetë i dhimbshëm"

“Ne po përgatitemi për mbrojtje pas armatosjes nga Serbia. Marrë parasysh kërcënimet e vazhdueshme nga Serbia, ne armatosemi me armatim adekuat që i përgjigjet kësaj situate. Ne do të përgjigjemi me armatim adekuat që e kërkon situate. Ne nuk jemi duke blerë armatim sulmues, por po punojmë natë e ditë që të mbrojmë territorin dhe popullsinë tonë”.

Zëvendësministri i Mbrojtjes ka përmendur se kanë këshilltarë edhe nga Amerika për t’iu përgjigjur situatës.

Lexo më shumë “Janë fëmijët tanë ata që po rrihen” Avokati Matlija thirrje avokatëve dhe juristëve: Të hartohen kallëzime penale për dhunën policore ndaj protestuesve. Dy kallëzime janë dorëzuar, të tjerat janë rrugës

Syla ka thënë se për vitin që sapo kemi hyrë janë të planifikuara 52 milionë euro për blerje të armëve.

Rruga Press