Zelensky i drejtohet botës: Sulmet e Rusisë ndaj Ukrainës janë terrorizëm i pastër

July 10, 2025 User2

Volodymyr Zelensky i është drejtuar udhëheqësve botërorë në Konferencën e Rimëkëmbjes së Ukrainës.

Duke folur për sulmin e fundit me dronë, udhëheqësi ukrainas tha se sulmi masiv përfshinte dronë ruso-iranianë Shahed, të cilët janë më të vështirë për t’u rrëzuar.

“Ukrainasit tani përballen me sulme nga qindra prej këtyre dronëve çdo natë dhe ky është terrorizëm i pastër”, tha ai.

Lexo më shumë Lobi izraelit dështoi, AIPAC shpenzoi mbi 55 milionë dollarë për kandidatë që humbën zgjedhjet në SHBA

Zelensky vërejti se vetëm një ditë më parë, mbi 700 dronë dhe raketa u lëshuan në Ukrainë, shkruan skynews.

“Kjo është pikërisht ajo që dëshiron Putini, që populli ynë të vuajë dhe të largohet nga Ukraina”, shtoi presidenti ukrainas.

Ndryshe, ai theksoi se vendi i tij ka nevojë për më shumë sisteme dhe raketa mbrojtëse ajrore dhe u kërkoi aleatëve të rrisin investimet e tyre.

Lexo më shumë BE-ja ndan pothuajse 1 miliard euro për mbështetjen e sektorit energjetik të Ukrainës gjatë dimrit

“Kur Rusia rrit sulmet e saj, nuk mund të kemi mungesë fondesh për prodhimin e dronëve.”

Rruga Press