Zelensky: 100 mijë banorë të Mariupolit kanë mbetur të ngujuar pa ushqim, ujë e barna

Presidenti ukrainas Volodymyr Zelensky, ka thënë se 100 mijë civilë kanë ngecur në qytetin ukrainas Mariupol pa ushqim e pa ujë.

Në fjalimin e mbajtur mbrëmë, Zelensky theksoi se akoma po qëndrojnë të ngujuar 100 mijë njerëz në qytetin e bombarduar nga forcat ruse – duke bërë një jetë shumë të vështirë si rezultat i bllokadës totale.

“Nuk ka ushqim, ujë e barna. Janë nën bombardime të vazhdueshme”, tha Zelensky.

Gjatë të mërkurës, këshilli i këtij qyteti njoftoi se nga sulmet ajrore të forcave ruse, qyteti i rrethuar i Mariupolit është shndërruar në një vend të hirit dhe të vdekurve.

Rruga Press