Vuçiqi shpall fitoren në zgjedhjet e Serbisë
Presidenti i Serbisë dhe lideri i Partisë Progresive Serbe, Aleksandar Vuçiq, shpalli fitoren në zgjedhjet presidenciale dhe parlamentare të mbajtura më 3 prill.
Ai në një adresim në orët e vona të së dielës, tha se ai dhe partia e tij i kanë fituar këto zgjedhje, megjithëse sipas tij, “i kanë humbur disa vota për shkak të krizës në Ukrainë”.
“Për këtë jam edhe unë fajtor që disa vota kanë shkuar ‘djathtas’”, tha Vuçiqi, përcjell b92.
“Sipas rezultateve tona lista ‘Së bashku mundemi gjithçka’ ka fituar 44 për qind të votave në zgjedhjet parlamentare”, shtoi Vuçiqi.
Rruga Press